蕭正楠真係娶到寶！人靚笑容甜、個性自然不造作，黃翠如的5個好老婆特質！
#1 女漢子好捱得
雖然翠如爸爸公司最近成功上市，但其實佢細個都捱過窮，以前主持有線旅遊節目時要上山下海，到後來喺大台成日通宵拍劇日夜操勞，翠如都完全handle到，更試過自嘲：「我好似隻牛咁捱得！」一啲都唔嬌生慣養！
#2 人靚笑容甜
翠如經常笑容滿臉，一副甜甜嘅笑容迷倒唔少男仔！加上佢人靚之餘唔化妝一樣咁靚，皮膚保養得又白又滑，成日素面朝天上鏡影相，呢種勇氣真係冇幾多女仔有！
#3 個性自然唔造作
眾所周知翠如個性好男仔頭，為人易相處又率真，平時又唔會擺明星架子，加上份人正面又充滿正能量，令人見到佢都覺得好開心，難怪咁有觀眾緣！
#4 不走性感路線
娛樂圈女藝人著得越少布曝光率就越高，所以每年台慶女星們都會出盡法寶，但翠如一直堅持唔行性感路線，每次造型都優雅又唔露肉，唔會刻意搶風頭～加上平時佢都包得密密實實，以開朗性格吸引人，作為老公嘅蕭正楠一定好放心，唔使驚老婆走光啦！（小編掩嘴偷笑～～～）
#5 愛食愛玩
而家有好多女仔都嗌住要減肥唔敢食太多，但翠如就超鍾意食嘢，IG貼滿令人流口水嘅美食相，又成日去户外散心玩樂，生活多姿多彩一啲都唔悶！
Photo source：IG
文章來源：girlslike
張貼留言